💼 სამუშაოს განთავსება და მენეჯმენტი ჰერიოზე

დღევანდელ ბლოგში წარმოგიდგენთ, თუ როგორ უნდა მართო კანდიდატის პოვნისა და თანამშრომლობის პროცესი, აპლიკაციაში განთავსების შემდგომ. ასევე, წინა ბლოგში შეგიძლია გაეცნო როგორ უნდა დარეგისტრირდე ჰერიოზე, როგორც დამსაქმებელი👇

ჰერიო არის დროებითი დასაქმების პლატფორმა, რომლის მეშვეობითაც უსწრაფესად შეგიძლია იპოვო ვერიფიცირებული ფრილანსერები და ტალანტები.

თუ იურიდიულ პირად რეგისტრირდები, უნდა მიუთითო ოფიციალური დასახელება, საკონტაქტო პირის სახელი, საიდენტიფიკაციო ნომერი და მობილური. ამის შემდეგ უკვე შეძლებ სამუშაოს დაპოსტვას. თუ ფიზიკური პირი ხარ დაამატე საკუთარი ფოტო. იურიდიული პირის შემთხვევაში კი - ლოგო.

ჩვენს აპლიკაციაში შეგიძლია განათავსო ორი ტიპის სამუშაო: 

ადგილზე შესასრულებელი - დასაქმებული პირი მითითებულ ლოკაციაზე ასრულებს სამუშაოს. მაგალითად: მიმტანი, ბარისტა, კონსულტანტი, მზარეული და სხვ, და 

დისტანციური - ფრილანსერი მუშაობს დისტანციურ რეჟიმში, მაგალითად: გრაფიკული დიზაინერი, ვებ დეველოპერი, მკვლევარი და სხვ. 

👨🏻‍💻დისტანციური სამუშაო:

განსაზღვრე სამუშაო - პირველ გვერდზე მიუთითე სამუშაოს დასახელება, მაგალითად - “ვეძებ გრაფიკულ დიზაინერს” და სამუშაოს შინაარსობრივი აღწერა, რომელიც არ უნდა ცდებოდეს 2,000 სიმბოლოს.

უნარებისა და გამოცდილების გვერდი - თავდაპირველად ირჩევ სასურველი გამოცდილების დონეს (დამწყები, საშუალო, ექსპერტი), რომელსაც უნდა აკმაყოფილებდეს არჩეული კადრი. ეს ველი სავალდებულოა. ამის შემდგომ, სურვილის შემთხვევაში, შეგიძლია აირჩიო საჭირო უნარების ჩამონათვალი, მაგალითად UX/UI დიზაინი, ქოფირაითინგი, Adobe  და ა.შ. საჭიროების შემთხვევაში შეგიძლია მიუთითო ენები და მათი ცოდნის დონეები.

თანამშრომლობის ხანგრძლივობის ველი - სავარაუდო ხანგრძლივობის ველზე  უნდა მონიშნო, თუ რა პერიოდს უნდა მოიცავდეს  სამუშაო. უნდა აირჩიო სამი ტიპიდან ერთ-ერთი:

• თვეზე ნაკლები
• 1-3 თვე
• 3 თვეზე მეტი

ანაზღაურების ველი - ანაზღაურების ველზე უნდა მიუთითო საორიენტაციო თანხა (აღსანიშნავია, რომ ეს თანხა საბოლოო არ არის და დაინტერესებულ კანდიდატებთან კომუნიკაციისას შესაძლოა დაკორექტირდეს). 

ამის შემდგომ, სამუშაო განთავსებულად ითვლება. სამუშაოს დაპოსტვის შემდეგ, გამოგეხმაურებიან კანდიდატები: ისინი ვინც თავად დაინტერესდნენ, ან ისინი, ვისაც ჩვენ ვუწევთ რეკომენდაციას. დაინტერესებულ პირებთან შეგიძლია კომუნიკაციის დამყარება WhatsApp-ის მეშვეობით, რომელიც პირდაპირაა დაკავშირებული ჩვენს აპლიკაციასთან. მათთან კომუნიკაციისას, უნდა ჩამოყალიბდეთ საბოლოო ფასზე, ასევე შეგიძლია დაუსვათ სხვადასხვა ტიპის კითხვები.

საბოლოო შეთავაზება - მას შემდეგ, როცა ჩამოყალიბდები თუ რომელ კანდიდატთან გსურს პარტნიორობა, აუცილებელია, აპლიკაციაში გაუგზავნო საბოლოო შეთავაზება - დატოვებ ძველ ანაზღაურებას, ან შეცვლი და მიუთითებ ახალ თანხას. ამის შემდგომ, საბოლოო შეთავზება მისდის არჩეულ ტალანტს და როგორც კი ისიც დათანხმდება, სამუშაო იწყება.

სამუშაოს დამთავრება - როდესაც დარწმუნდები, რომ არჩეულმა ტალანტმა გაგიწია შესაბამისი სერვისი, შეგიძლია დაასრულო სამუშაო აპლიკაციაში. დასრულების ღილაკის დაჭერის შემდეგ, გექნება საშუალება შეაფასო ტალანტი, როგორც ქუთ ქულიანი სისტემით, ასევე ტექსტობრივად. რაც საბოლოოდ ასრულებს თანამშრომლობის პროცესს.

მნიშვნელოვანია, რომ სამუშაოს დასრულების შემდეგ 3 დღეში სრულად დაფარო ანაზღაურება, რომლის გადახდაც ხდება ჰერიოს გავლით.

 📍 ადგილზე შესასრულებელი სამუშაო:

წარმოიდგინე, რომ რეგულარულად ატარებ ღონისძიებებს, რისთვისაც გჭირდება დამხმარეები.

სამუშაოს ტიპის არჩევა - ამ შემთხვევაში, უნდა აირჩიო ‘’ადგილზე სამუშაოს’’ ველი. 

დისტანციური სამუშაოსგან განსხვავებით, ამჯერად უთითებ, არამხოლოდ სამუშაოს დასახელებას, არამედ ლოკაციასაც. 

• ლოკაციის შექმნისას - უთითებ ქალაქს, ქუჩის დასახელებას და ლოკაციის სახელს, დანარჩენი ველები არასავალდებულოა 
• სამუშაო როლის შექმნა - აქ სტანდარტულად უთითებ სამუშაოს დასახელებას, აღწერას, უნარებს, უნიფორმას, და ა.შ. (ჩვენს მაგალითზე მიუთითებდი ღონისძიების დამხმარე, დამწყები, უნდა ეცვას შავი ტანასაცმელი და ა.შ.)

როგორც ლოკაციების, ასევე როლების შექმნის შემდეგ, შეგიძლია ისინი შეინახო შაბლონებად და სამომავლოდ განმეორებით გამოიყენო.

თარიღის ველი - მას შემდეგ რაც აირჩევ სამუშაოს როლს და ლოკაციას, გადახვალ თარიღის ველზე და ირჩევ შენთვის სასურველ თარიღსა და დროს. ამ შემთხვევაში, ერთდროულად, შეგიძლია შეარჩიო 7 სხვადასხვა დღე. (თუ ივენთი არის 2 დღიანი 30 და 31 მაისს, აირჩევდი შესაბამის დღეებს და მიუთითებდი კონკრეტულს, დაწყების და დასრულების საათებს)

ანაზღაურების ველი - ამ შემთხვევაში, ანაზღაურება ითვლება საათობრივად, როდესაც მიუთითებ, ჰერიო ავტომატურად გამოიანგარიშებს ჯამურ ანაზღაურებას. ამის შემდეგ უკვე შეგიძლია განათავსო სამუშაო. 

როგორც დისტანციურის შემთხვევაში, კანდიდატები მაქსიმუმ 24 საათში გამოჩნდებიან. შეგიძლია დაინტერესებული კადრების პროფილზე შესვლა და სასურველი კანდიდატის შერჩევის შემთხვევაში, მისი დადასტურება.

სამუშაო პროცესის მონიტორინგი - სამუშაოს დაწყებამდე შეგიძლია თვალი ადევნო, თუ რამდენ ხანში დაიწყება სამუშაო. დაწყებამდე 15 წუთით ადრე, როდესაც არჩეული კანდიდატი ადგილზე გამოცხადდება, ადასტურებ კადრის მოსვლას და სამუშაო აპლიკაციაშიც დაიწყება. 

სამუშაოს დასრულების ხდება ორმხრივი შეფასება: აფასებ კანდიდატს და გაფასებს თავად კანდიდატიც. თუ კანდიდატით კმაყოფილი დარჩები, შემდეგში შეგვიძლია შემოგთავაზოთ მსგავსი ექსპერტიზის/გამოცდილების კადრები. შეფასების ეტაპის შემდეგ სრულდება სამუშაო პროცესი. 

💸 ტრანზაქცია 

თანხას იხდი მხოლოდ ჩვენი გავლით. ჰერიო იღებს 15%-იან საკომისიოს, რომელიც ემატება კადრისთვის ან ფრილანსერისთვის განკუთვნილ ჯამურ თანხას. აუცილებელია, თანხის ჩარიცხვა მოხდეს სამუშაოს დასრულებიდან 3 დღემდე. 

ჰერიოზე სამუშაოს განთავსება არის მარტივი, სწრაფი და ეფექტური გზა, იპოვო სანდო და ვერიფიცირებული ფრილანსერები ან დროებითი თანამშრომლები ისეთ სფეროებში, როგორიცაა: გრაფიკული დიზაინი, ვებ დეველოპმენტი, ქოფირაითინგი და სხვ.  პლატფორმა გეხმარება ყველა ეტაპის მართვაში. ჩვენ ვზრუნავთ, რომ პროცესი იყოს გამჭვირვალე, მოქნილი და მაქსიმალურად მორგებული შენს საჭიროებებზე.

დაიწყე ჰერიოზე სამუშაოს განთავსება და აღმოაჩინე შენთვის სასურველი კადრი 👇

• iOS
• Android

‍